Reglas da cumportament en il forum
En il forum dal martgà da prognosas èn scumandadas tut las activitads illegalas. En nagin cas na dastga la plattafurma da quest forum vegnir utilisada per publitgar, offrir, derasar u render enconuschent material disfamant, offendent, obscen, pornografic u auter material illegal. Il medem vala per la derasaziun d'ideologias naziunalsocialisticas e rassisticas, sco era ideologias che offendan la dignitad umana da singuls u d'entiras gruppas e per la glorificaziun da la violenza.
Nus supplitgain tut ils utilisaders da resguardar e proteger en lur contribuziuns ils dretgs d'autur e la proprietad intellectuala dals auters.
Mintga utilisader è responsabel per sias activitads. Nus, ils administraturs, resalvain en quest senn il dretg d'eliminar da tut temp e senza preannunzia mintga contribuziun che cuntrafa a questas reglas da cumportament.
Intginas contribuziuns cuntegnan links a paginas Web. Nus n'essan betg responsabels per il cuntegn collià cun quests links.
Quest forum serva al barat liber d'opiniuns en la communitad da commerzi. Nus supplitgain perquai tut ils utilisaders da tralaschar da scriver texts cun offensiuns, insultas, smanatschas u disfamaziuns. Nus resalvain il dretg d'excluder in utilisader dal forum da tut temp e senza preannunzia, sch'el ha cuntrafatg a la regla da cumportament.
En quest senn cuntrafan a las reglas da cumportament tut las remartgas
- ch'offendan ils dretgs persunals d'auters utilisaders. Sch'ina contribuziun vul exclusivamain offender auters utilisaders, vegn ella stizzada incl. l'entir cuntegn, e l'autur da la contribuziun offendenta vegn avertì en scrit. Il pli tard suenter trais avertiments en scrit vegn l'utilisader bloccà.
- che discrimineschan in pievel u ina gruppa da la populaziun. Talas contribuziuns, uschenavant ch'ellas n'han nagin cuntegn constructiv e servan exclusivamain a la degradaziun, vegnan stizzadas e l'utilisader vegn avertì en scrit. Il pli tard suenter trais avertiments en scrit vegn l'utilisader bloccà.
Nus resalvain era il dretg da cumplettar u modifitgar las reglas da cumportament da tut temp e senza preannunzia.
Cun utilisar il forum renconuschais Vus questas reglas da cumportament.